老點點心竹筒飯 (已結業)

今午在旺角攪完少少雜務見差不多兩點,近近哋去老點嘆吓茶。剛入門口就撞到果個舊女侍應IDA姐(舊遇),佢依樣一如既往笑臉迎人招呼入坐卡位。其實早前不久先嚟過但好似餐單又有新改動(新知)今次試吓沙律鮮蝦角,有蝦嘅鮮甜味而入口還係熱騰騰,唔似一般酒樓推車叫賣咁樣行貨(好多係凍冰冰嘅)。义燒包包餡嘅味道非常濃郁當然優惠價嘅鮮蝦餃就抵食到無得輸喇IDA姐特別推介$38(NEW) 杏鮑菇牛骨排煲,而我亦好有興趣下次試吓***新推出嘅點心($24可樂麻糬小丸子)同埋重點推介嘅$88二人份量煲仔飯