韓米Miso (啟田市場) (已結業)

今日行過藍田啟田邨，見到有間門面好光鮮的韓式外賣店。從menu上見到有傳統拌飯及紫菜捲飯，亦都有新穎嘅韓式炸雞套餐及其他炸物小食。好吸引之下就買咗韓式牛肉拌飯、泡菜煎餅及韭菜煎餅，同埋牛肉紫菜捲飯，加埋泡菜小碟帶返屋企食。買滿$80仲送咗一套韓米利是封畀我，好cute。牛肉拌飯包括芽菜、蛋絲、紫菜、蘿蔔絲、青瓜同埋香菇，撈埋牛肉食每一啖都有肉類及唔同蔬菜嘅味道，每一啖個感覺都好唔同，好有韓式風味。紫菜捲飯亦係好有特色嘅韓米食品，入面嘅材料新鮮，牛肉亦都好入味而且個捲飯亦都捲得好靚，絕對係打卡之選。兩份燒餅都煎得好香口而且煙煙靭靭，泡菜就有少少微辣特別醒胃，韭菜就最啱韭菜控嘅我食。 有機會我一定會再黎試埋其他嘅韓國食品。