影片
更多
2023-03-20
1299 瀏覽
餐廳由三位90後年輕人主理，主打新穎法日Fine Dining，並只提供單一款十道菜式fusion料理套餐，每道菜式均十分味美精緻，充滿驚喜，另店內只有數個座位，想食記得提早book位😌.Dinner Menu（$1,480/位）.🍴Tuna脆卷包住吞拿魚他他，兩端再沾上紫菜碎，並以柚子胡椒黏上紅色食用花瓣扮作火焰，造型精緻似雪茄，味道鮮甜清新，口感層次豐富。.🍴UniBrioche多士有濃濃牛油香，滿滿北海道海膽令人垂涎欲滴，灑上少少青檸皮令鮮味提升😍🍴Hokkigai以清酒將北海道北寄貝煮至半熟，面層有魚湯泡沫，底部則有sugar pea ；北寄貝鮮甜十足，加埋魚湯泡沫鮮上加鮮，另sugar pea脆口又清甜😌🍴Shirako以紫菜包住鱈魚白子炸成天婦羅，開半後刨上烏魚子粉及辣椒粉刨，再伴以加入七味粉嘅Ratatouille 蔬菜汁，淡淡嘅辣味與白子鮮味非常夾，而天婦羅整法亦令白子多咗一個層次。🍴Pasta 天使麵煮後再冰鎮以增強口感，及後加入昆布湯及白松露油，再伴魚子醬及紫蘇花同食；凍食意粉似食緊前菜，口感幾特別，另白松露油、紫蘇花及魚子醬三款味道則十分夾😌🍴Tataki Bee
.
Dinner Menu（$1,480/位）
.
🍴Tuna
脆卷包住吞拿魚他他，兩端再沾上紫菜碎，並以柚子胡椒黏上紅色食用花瓣扮作火焰，造型精緻似雪茄，味道鮮甜清新，口感層次豐富。
.
🍴Uni
Brioche多士有濃濃牛油香，滿滿北海道海膽令人垂涎欲滴，灑上少少青檸皮令鮮味提升😍
🍴Hokkigai
以清酒將北海道北寄貝煮至半熟，面層有魚湯泡沫，底部則有sugar pea ；北寄貝鮮甜十足，加埋魚湯泡沫鮮上加鮮，另sugar pea脆口又清甜😌
🍴Shirako
以紫菜包住鱈魚白子炸成天婦羅，開半後刨上烏魚子粉及辣椒粉刨，再伴以加入七味粉嘅Ratatouille 蔬菜汁，淡淡嘅辣味與白子鮮味非常夾，而天婦羅整法亦令白子多咗一個層次。
🍴Pasta
天使麵煮後再冰鎮以增強口感，及後加入昆布湯及白松露油，再伴魚子醬及紫蘇花同食；凍食意粉似食緊前菜，口感幾特別，另白松露油、紫蘇花及魚子醬三款味道則十分夾😌
🍴Tataki Beef Tartare
M6+和牛他他以醬油柚子醋漬調製，混入飛魚子、海苔及牛油麵包多士，配搭無違和感，亦唔會偏重某一款味道😌
🍴Amadai
甘鯛以立鱗燒方式烹調，魚鱗香脆且魚肉嫩滑，另以Sake代替白酒整Beurre blanc，醬汁唔會搶走甘鯛嘅鮮甜，反而令味道更好😌
🍴Chicken（+$340）
以本土三黃雞風乾一晚後再焗，令雞皮更香脆，另烤焗時間拿捏得好好，雞胸肉亦十分嫩滑；米飯則選用北海道七星米，以白酒及雞汁煲熟，再混入雞油及三文魚子，食時再拌以法國黃酒汁，味道一流😌
🍴Mille Feuille With Mochi And Ice Cream
🍴Seasonal Fruit
甜品係開心果撻配自家製開心果雪糕，撻底入口鬆脆，開心果醬底下有一層麻糬，多咗一份煙靭口感，另不論撻或雪糕都有大量開心果，開心果香味香濃又唔太甜；生果係熊本士多啤梨，色澤紅潤且香甜大粒😋
張貼
