八方雲集鍋貼水餃專門店

營業中

休息中

一向都係淨食餃，但對上一次食時見到人地碗米粉都好似唔錯，於是今次都試吓。散叫，要了5粒招牌餃同魚丸新竹米粉，total 都只係$24，好抵食。落單無幾耐，就送招牌鍋貼，原來自己畫錯，問佢轉番餃得唔得，個姐姐仔無話得定唔得，但就拎番走碟鍋貼。過咗一陣就送上水餃，雖然係我自己書錯，佢地都肯換過，算係咁啦。水餃依舊好食，菜多肉少，無咩肥肉，椰菜爽口。魚丸米粉，份量不少，米粉好爽口；魚丸有鱈魚丸同旗魚丸，都唔知邊隻打邊隻，但兩隻都好食。