甜源居

營業中

休息中

打完籃球無聊落西貢行下,唔食滿記又去呢間試下。大約六點,一個人客都冇,坐低,點了楊枝甘露布甸同魔芋鮮果冰。冷清,電視顯得聲浪大。就是這樣,一邊食,一邊睇新聞。先來楊枝甘露布甸,生果料落得足,不過西米少比較少。整體唔太甜,布甸ok滑但唔夠香,西柚帶苦澀,芒果都算甜。之後來魔芋鮮果冰,入面加左d鮮果同魔芋落去。整體甜度適中,飲落頗有奶香,士多啤梨同奇異果酸的,而其他鮮果夠甜,魔芋則係軟軟的,食落冇乜味。食畢,埋去找數,阿叔睇新聞睇得入神,冇留意我企在櫃檯。新聞,同樣融入於店員之中。