Green Tech Cafe (已結業)

餐廳主題是素食，採用新肉類（素肉），希望人們吃得健康，有助減少碳排放。職員服務好好，好快就安排我哋入座，亦都好有禮貌咁介紹佢哋嘅menu，最後我哋兩個人叫咗2個set一開始飲左南瓜湯，甜甜地幾好入口。之後食咗日式炒烏冬，雖然係素食，但味道都幾好，比一般茶餐廳炒得唔油膩。之後就再食厚切豆腐蝦堡配薯角，咬落幾香幾熱，豆腐食落好特別好好味，口感似長洲大魚蛋。之後飲木瓜阿麻子杏仁奶同香蕉花生醬杏仁奶，賣相好靚好lady，飲落都好香甜幼滑最難忘係老闆娘好親民友善，會主動同顧客傾計，吸收多啲意見，真係好有心去為顧客提供最好嘅服務和食物。整個晚餐食得好開心滿足，因為環境,服務,食物勝過預期，下次會再嚟試其他食物。