和記餐廳 (已結業)

每年只會入西貢幾次，為既都係船河，但今年只得一次。嚇死我，還以為係上年間態度惡劣、食物難食、齋啡難飲、環境衛生恐怖既茶餐廳，好采唔係唔係，依間有和記餐廳，第一次幫襯。門口露天座位爆晒棚坐滿食客，水涉不通，原來裡面大把位，我同朋友仔不知坐得幾舒服，又開揚又有美女欣賞。早餐來來去去都係咁上下啦，船河前黎個出前一丁先，補充一下。太陽蛋沙嗲牛肉出前一丁，個麵真係煮得非常好喎，有大師級風範 ﹗麵質嚥韌，滑滑彈彈，掛著熱騰騰香郁湯汁啜入口，爽到爆，精神為之一震。可惜太陽蛋有點凍啊，早知隊佢落湯底浸多陣啦 ﹗沙嗲牛肉好滑好腍，乸得不過份，還有原始味道及質感，軟乾棉棉，濃厚沙嗲味道雖然濁了一點，但不失香氣，整體都滿意。