影片
更多
2017-04-15
1658 瀏覽
男朋友帶我食飯, 佢book咗呢間 Lab Eat, 佢係金巴利道這一條小巷裏面, 穿梭於琳瑯滿目嘅韓國餐廳之中, 好彩男朋友帶我嚟, 唔係有少少難搵。男朋友喺尖沙咀返工, 佢話成日都嚟呢條街食飯, 通街韓國野食到有啲悶, 但佢話有時都會同同事去呢間餐廳食 , 佢覺得呢間餐廳質素唔錯, 所以今次帶我來。男朋友為我點咗以下呢杯 cocktail purple sunbird, 佢話之前食嘢見過人叫呢杯嘢好靚, 所以今次特登叫畀我 我問waiter呢杯係咩嚟, 佢好友善咁同我介紹其實係蝶豆花加荔枝酒, 其實佢個酒味一啲都唔重, 我覺得好易入口, 而且個外形仲要加埋鮮花好靚, 即時同男朋友加分食西餐通常都有廚師推介, 下面呢個都係廚師推介之一嘅沙律, Racletter Cheese 配薯仔、 火箭菜同埋hams。本身佢係一大個木板上嘅沙律, 後來waiter拎咗半個圓形咁大嘅芝士上嚟喺上面一大刀咁咗啲熱溶溶嘅芝士落去，嗰嚿芝士真係見到都想據為己有。除咗火箭菜佢裏面仲有啲酸蕎頭酸青瓜仔，仲有甘筍粒等等嘅果蔬，而本身啲沙律已經捞咗啲橄欖油喺上面， 加咗啲用嘅芝士之後 可以撈埋火腿同啲沙律一齊
男朋友為我點咗以下呢杯 cocktail purple sunbird, 佢話之前食嘢見過人叫呢杯嘢好靚, 所以今次特登叫畀我 我問waiter呢杯係咩嚟, 佢好友善咁同我介紹其實係蝶豆花加荔枝酒, 其實佢個酒味一啲都唔重, 我覺得好易入口, 而且個外形仲要加埋鮮花好靚, 即時同男朋友加分
purple sunbird
$78
62 瀏覽
0 讚好
0 留言
Racletter Cheese salad
$158
56 瀏覽
0 讚好
0 留言
男朋友鍾意食海鮮，所以點咗幾種海鮮食， 原隻龍蝦、翡翠螺及法國生蠔。基本上隻龍蝦都大隻同啖啖肉。法國生蠔都好滑口，食得出係即叫即開嘅，佢個海水味唔算太鹹，帶有少少礦物質味。翡翠螺就真係好大隻，而且食落係彈牙嘅，唔係爛肉嗰隻口感。總括嚟講啲海鮮都ok新鮮嘅!
我最鍾意呢個廚師推介之一嘅主菜, 海鮮炒手打意大利粉, waiter介紹話呢度菜係新推出嘅, 初時覺得又話係手打意大利粉,但點解咁似公仔麵嘅? 但食落去第一個反應就知真係意大利粉, 而且意大利粉係用炒嘅方法去煮， 好特別嘅一種煮法， 成碟意大利粉炒得好香， 香蒜味好突出， 而且啲蝦又大隻又爽口好食， 如果加少少辣就仲好味
seafood homemade pasta
$238
12 瀏覽
0 讚好
0 留言
食西餐有個好處就係一定有廚師推介，今次叫曬呢兩個廚師推介食，兩樣都好食同好特別，男朋友果然冇介紹錯。而且好欣賞呢間餐廳嘅服務態度，同埋廚師煮嘢食嘅嗰種熱誠，因為佢手打意大利粉係新推出嘅，埋單嘅時候waiter仲特登問我哋呢個主菜嘅意見，希望有更多改進空間，淨係呢種對食物嘅要求已經爆曬分啦。希望下次再嚟會keep到呢個質素同有更多新推出嘅食物帶畀我哋啦
張貼
