影片
更多
2014-06-23
850 瀏覽
今日喺呢頭做完野~啱行出門口就見落起雨黎~仲越落越大~我見我的’’姐仔’’已經頂唔順D雨,所以我只好搵個地方避一下~一眼望見呢間店,就乜都唔理行左入去先算了~~入到去地方好大~人唔算好多~整體感覺似一個大飯堂~我想搵個心儀的位置,但比服務員阻截了,佢示意我坐喺近廚房門外的單人位見佢咁堅持,我冇謂反抗,坐下了就開始睇餐牌..枱面餐牌套餐款式算多~可能係做午巿同下午茶~問服務員有冇其他餐牌,佢答我冇..噢~咁唯有睇下呢D啱唔啱食~呢到以飯同意粉居多~兩者都唔係我的心水~所以比較難選擇最後我決定試佢當日的推介,芝士黑松露焗豬扒,仲加左錢轉意粉~(真心唔明白點解轉意粉要加錢,佢又唔係比返D飯我~ V__V 不過算~錢可以解決到的問題就唔係問題了)上枱啦~嘩…真係O左咀,令我好意外!!芝士黑松露焗豬扒意粉 – 滿以為同張相一樣有咁豐富的汁~我最中意食芝士~!!先唔諗係芝士汁定係白汁啦~但都唔會係一D汁都冇既感覺啊~~上枱時係用鍚紙碗己令我覺得有點反感~何解堂食都要用即棄工具咁唔環保?!! NEW NEW下D意粉~覺得唔係好對路,真係好乾~於是問一下服務員係咪未比汁,服務員回應已經加左入意粉一齊焗
我見我的’’姐仔’’已經頂唔順D雨,所以我只好搵個地方避一下~
一眼望見呢間店,就乜都唔理行左入去先算了~~
入到去地方好大~人唔算好多~整體感覺似一個大飯堂~
我想搵個心儀的位置,但比服務員阻截了,佢示意我坐喺近廚房門外的單人位
見佢咁堅持,我冇謂反抗,坐下了就開始睇餐牌..
枱面餐牌套餐款式算多~可能係做午巿同下午茶~問服務員有冇其他餐牌,佢答我冇..噢~
咁唯有睇下呢D啱唔啱食~呢到以飯同意粉居多~兩者都唔係我的心水~所以比較難選擇
最後我決定試佢當日的推介,芝士黑松露焗豬扒,仲加左錢轉意粉~(真心唔明白點解轉意粉要加錢,佢又唔係比返D飯我~ V__V 不過算~錢可以解決到的問題就唔係問題了)
上枱啦~嘩…真係O左咀,令我好意外!!
芝士黑松露焗豬扒意粉 – 滿以為同張相一樣有咁豐富的汁~我最中意食芝士~!!先唔諗係芝士汁定係白汁啦~但都唔會係一D汁都冇既感覺啊~~上枱時係用鍚紙碗己令我覺得有點反感~何解堂食都要用即棄工具咁唔環保?!! NEW NEW下D意粉~覺得唔係好對路,真係好乾~於是問一下服務員係咪未比汁,服務員回應已經加左入意粉一齊焗,最後佢比左蕃茄汁我加落去..唉~唔係呀化~我可叫做食佢地的’’推介’’啊~真係要咁?! 黑松露豬扒味道可以接受~黑松露的味唔係太強~幸好豬扒唔會太乾身~厚厚的有口感~!!至少知道自己喺到食肉中…
食食下服務員話有餐湯同茶,我問佢有乜野湯LA,佢答我話紅湯白湯…我心諗,我點知你D紅白二湯係咪我心中的紅白湯呢~再問清楚一次,佢先話係粟米忌廉湯同蕃茄雜菜湯冇肉的,我見我的意粉都咁不對辦,所以都係叫個紅湯穩陣…
紅湯好快上枱, 唔係用即棄用具,感覺良好左少少~見佢湯中好多菜~~飲落唔會太浠~味道唔錯~!!
最後餐飲我照舊點左杯熱檸水成今餐的句號,點解係用紙杯~~唉~~堂食的話可以為地球多做一點善事吧…
總括黎講..對快食的餐廳黎講,我應先放下自己的要求及幻想..真心希望佢地他日可以有所進步
題外話/補充資料：
店舖洗手間設備唔係咁令人滿意~要經過廚房重地,所以迫迫細細濕濕窄窄…所以可以的話都係忍耐一下,搵另一個更好的解手吧~!
(以上食評乃用戶個人意見 , 並不代表OpenRice之觀點。)
張貼
