小巴黎越南豪威餐廳 (已結業)

新蒲崗少有越南野食，心癮起，lunch time要幫襯吓呢間小店~同事叫咗小巴黎熟牛河($39)，佢話河粉好滑(唔係即食即沖果種河粉)，牛肉又好食，只係湯底偏甜少少，但大致上都讚。我比較為食，叫咗豬扒雞翼扎肉飯($46)，可以多啲野夾，雖然豬扒油咗少少，但整體個飯都好食，仲有配菜跟埋醃蘿蔔，食咗啲油膩野再食呢樣好舒服其實呢間都抵食，午巿都好多人，奉送冷熱飲品(不過我杯熱奶茶偏濃，好重茶味)，學生仲有九折。所以過咗1pm，都開始要等位了。。。