王朝潮盛館 (已結業)

呢個年頭食潮州菜好多都去晒鋪位，嘆住冷氣食潮州菜，唔再係冇冷氣咁地踎。新蒲崗呢間都唔例外，就係越秀廣場，啟德站行過去都好方便。多款經典潮州打冷，加上其他小菜，大量選擇。花膠雞煲翅呢煲翅好足料，又花膠又有翅，清甜滋補，幾時都岩飲。BB乳鴿 乳鴿皮脆肉嫩，仲好有特色地用鴨碟，襯晒。蠔仔粥米多蠔又多，而且不乏大粒既蠔肉，充滿鮮味。蠔餅食潮州菜不可或缺，蠔餅夠晒香脆，亦有粒粒蠔肉，最後當然要蘸上魚露先最好食。西蘭花炒帶子帶子同西蘭花一樣咁多，西蘭花清清地，正好可以突出帶子的鮮甜味。脆炸牛奶卷 金黃脆皮，富奶香而不膩，中間有軟滑牛奶，非常邪惡。