紅米 (六合街)

營業中

休息中

下班行路經過睇到呢間餐廳，比呢間餐廳嘅外觀吸引到決定入來一試。裝修用左明亮的紅色為主，室内同样色彩鮮豔嘅裝修令人坐得心情愉悅。入到去燈光明亮，乾淨整潔，位置都比較寬敞。餐牌菜式選擇好多，中式西式都有。原條蒲燒.鰻魚蛋包鐵板飯賣相很討好，份量多得似一座小山。配了照燒汁，另外加左肥牛同埋芝士，鰻魚份量多得黎又厚切。多種配搭全部鋪埋喺一層嫩滑嘅蛋上邊，將全部材料同埋米飯撈埋一齊食，每一啖都好好味！性價比很高！美國重量級.爵士西冷呢份牛扒真係有重量既，超大塊又厚身。呢嗰價錢可以食到呢種質素嘅牛扒真係超級抵。配搭嘅薯條都唔錯，又粗身又脆😄。小食拼盤種類豐富，有春卷，炸雞，雞翼。春卷皮炸得好鬆脆，炸雞香脆好味入邊又多汁，雞翼完全不油膩，不會炸過火👍🏻。綜合水果茶，果味濃郁飲落口好香甜。龍鳳大檸樂，淡淡檸檬香味嘅可樂味道好清新。