泰媽子

營業中

休息中

喺新蒲崗呢頭返工，雖然都有好多好嘢食，不過都係鍾意周圍搵吓有咩新開嘅食店。早排食lunch行過見到呢一間泰媽子，價錢都好似OK抵食，入去試吓先！環境就同普通茶記冰室差唔多，細細間坐得迫少少，不過中午食個lunch 都OK嘅。我就嗌咗雞扒金邊粉 $55，喇沙湯底，一啲都唔辣仲幾香口，啲金邊粉索咗湯汁好惹味，都係一個可以encore嘅選擇👌🏻 跟餐送嘅冰糖雪梨茶有啲淡🫠，建議可以加兩蚊轉其他凍飲！凍檸茶、奶茶呢啲都正常發揮！我啲同事嗌咗嗰啲都好似話OK，個串串串飯上面有隻太陽蛋賣相都幾靚。