Plato Cafe & Bistro (Mikiki)

本身住開新蒲崗附近，發現Mikiki新開左間餐廳，見其他區都有分店，今晚特登同舊老友黎食😋叫咗個精選二人餐$458今日嘅餐湯係甘筍湯，甘筍湯冇乜特別；前菜就叫咗煙三文魚凱撒沙律，三文魚有幾大塊，配埋生菜同麵包粒好開胃😋波士頓龍蝦汁意大利飯，有半隻龍蝦同龍蝦鉗，龍蝦肉煙煙韌韌，龍蝦汁滿佈成碟飯，有好香嘅龍蝦味。主菜叫咗西班牙黑毛豬安，黑毛豬安都幾厚身，食落腍腍地唔會太韌。個人覺得青色既醬汁超好味，食落好fresh😋甜品同嘢飲都有另外再加錢upgrade。🍹玫瑰朱古力都幾甜，個人認為應該要叫少甜先得。🍰甜品就叫咗一個是日精選甜品另外一個upgrade左做升級竹炭麻糬千層酥盒子配雪糕。餐廳嘅內部環境亦裝修得幾靚，又坐得好舒服，下次有機會想試埋佢個至尊二人套餐。