陳儀興飯店 (崇齡街)

營業中

休息中

放工約咗屋企人去新蒲崗打冷，由細食到大的陳儀興飯店 ，新蒲崗 50年老字號，對我嚟講係打冷最好的。裝修樸實無華，價錢公道，長期坐滿人，食到好夜都仲好旺場，你就知佢咩料啦！豆醬雞 陳儀興其中一款名物，潮州豆醬煮雞，落單後好快就送上，金黃色的豆醬，賣相吸引。朋友食咗一件雞，都讚不絕口。入口豆醬雞輕輕一咬，就已經骨肉分離，雞肉夠腍，唔會好鬆散，潮州出名普寧豆醬，豆醬雞變得層次複雜，可以帶出雞肉嘅鮮味，味道無得頂！澄海滷水鵝調味醬汁好有潮州打冷風格，食澄海鹵水鵝嘅時候，必須要沾醬。潮式滷水靈魂係喺個秘製滷汁到，好香！滷水汁精華滲入鵝肉，口感極佳，新鮮熱食，天下無敵！大漠牛柳粒 上枱熱辣辣香噴噴，大家都勁讚！大漠牛柳粒 ，外酥內嫩，牛肉香甜，配料香蒜粒非常可口。味道濃郁入味，炒得夠火候，跟白飯一起吃，有畫龍點睛的效果。樽裝汽水最緊要夠冰凍，飲落好爽！