雲南人家風味餐廳 (已結業)

頭先剛剛食完返黎！LUNCH時間第一次食呢間，成日見到排曬長龍，應該係野食唔錯，所以今日咪試下囉……老實講，野食都唔錯的，價錢都合理，但服務真係不敢恭維！前後坐底、食野、起身俾錢，只得十五分鐘左右，個老闆娘既物體不斷趕頭趕命咁叫你落order、食到一半就開始收野(杯、紙巾…)，大寫食完唔夠兩分鐘，我杯凍奶茶飲左一半都無，佢又走過黎問埋得單埋(出面有幾個人等緊)，谷鬼氣，決定走！隔離翠華都多人排啦，又唔見催人走！放LUNCH時間大家想多做生意，呢點可以理解既，但都唔使催得咁勁下嘛？唔好唔記得服務亦係好重要！無人話要你老闆前老闆後咁"針"茶遞水服侍，但都唔好催人走囉……我地又唔係話坐多好耐，俾多五分鐘，大家落一落隔，飲埋杯野實走！都趕住返公司啦！