影片
更多
2020-09-19
72 瀏覽
好耐無返嚟新蒲崗一帶食飯喇，今次收完工同個同事過咗嚟搵食。今次幫襯一間良心小店 Wanna Eat，餐廳係走多元化路線，晚市無論係西式意粉、Pizza、鋸扒、中式定食都有得選擇。除咗主食之外，仲有甜品同埋咖啡亦好吸引，不過我地今次食晚市，就無叫到咖啡。我地兩個人叫咗一份千島海鮮手工薄餅。講到明係手工薄餅，我自然對佢有更高期望。Pizza餅底鬆軟，口感煙煙韌韌咁，幾好入口。配料方面有心思，千島醬令到薄餅好開胃，絕對收貨。另外一個主食，叫咗台式三杯雞定食。開頭其實想試下佢地啲意粉，不過見一間西式風格嘅餐廳竟然有中式菜食，於是就俾佢吸引咗。上到枱之後都幾對辦，雞肉肉質好嫩滑，有洋蔥同埋九層塔，所以成碟嘢都好香。點解叫定食? 因為跟餐送兩碟開胃涼菜，分別係蓮藕同埋木耳，非常惹味道！甜品方面，我地叫咗份焦糖香蕉配朱古力窩夫。特別要講一講，佢擺盤擺得幾靚仔，夠晒立體。窩夫口感做到外脆內軟，朱古力雪糕，配上表層有焦糖嘅香蕉，食落好過癮。呢份窩夫嘅份量認真有啲多，兩個人作為飯後甜品，最後差啲食唔晒添！Menu見到呢杯富士山特飲，相信係呢間舖嘅特色飲品，俾佢外型吸引咗，加少少想象力又真係幾似富士山，於是
我地兩個人叫咗一份千島海鮮手工薄餅。講到明係手工薄餅，我自然對佢有更高期望。Pizza餅底鬆軟，口感煙煙韌韌咁，幾好入口。配料方面有心思，千島醬令到薄餅好開胃，絕對收貨。
另外一個主食，叫咗台式三杯雞定食。開頭其實想試下佢地啲意粉，不過見一間西式風格嘅餐廳竟然有中式菜食，於是就俾佢吸引咗。上到枱之後都幾對辦，雞肉肉質好嫩滑，有洋蔥同埋九層塔，所以成碟嘢都好香。點解叫定食? 因為跟餐送兩碟開胃涼菜，分別係蓮藕同埋木耳，非常惹味道！
甜品方面，我地叫咗份焦糖香蕉配朱古力窩夫。特別要講一講，佢擺盤擺得幾靚仔，夠晒立體。窩夫口感做到外脆內軟，朱古力雪糕，配上表層有焦糖嘅香蕉，食落好過癮。呢份窩夫嘅份量認真有啲多，兩個人作為飯後甜品，最後差啲食唔晒添！
Menu見到呢杯富士山特飲，相信係呢間舖嘅特色飲品，俾佢外型吸引咗，加少少想象力又真係幾似富士山，於是叫嚟試一試。賣相好搶眼，表層加咗少少爆炸糖，中層係奶泡，味道類似波子汽水。
同同事一路食一路吹水，食物質素不俗，性價比優異，呢餐飯嘅體驗十分唔錯！店員亦會不時主動過嚟fill水，落單同執枱時候都好好態度，值得一讚！
張貼
