窩子

營業中

休息中

今日同閨蜜係公司附近見面，就去咗間次次經過都有人排隊嘅文青餐廳「窩子」，嘗試新野之餘暢談一番。本來想試佢嘅手工啤酒，不過最後我哋都俾呢杯青瓜飲品吸引左，手工啤酒都係留返下次再試。呢杯飲品除咗有青瓜嘅清新，仲有少少青檸嘅酸，工作過後飲番杯可以提一提神。食物方面叫咗什菌意粉同埋酥皮pizza ,呢兩款都好啱我口味，前者醬汁香濃，食到停唔到口；而pizza嘅酥皮底更加係我嘅至愛。甜品方面，因為我哋已經傾到last order時間😅所以選擇唔多，就揀咗吉士鯛魚燒，仲配有紅豆豆腐花同綠茶雪糕，三樣味道好夾，成為滿足句號！