重光弁当 (已結業)

知道新蒲崗開左間新食店，成日想想過去試下，不過夾唔啱時間，到今日終於有時間過黎試下啦。行到去先知，原來係以前仙跡岩舊鋪位置，多年前我都有幫襯過仙跡岩，我地呢啲上年紀既先會識，而家既小朋友淨係識喜茶啦。講真呢個場，正常一般人都唔會上去搵野食，死場一個，得幾間補習社，同埋幾間街坊先會黎睇既鋪，所以上得去既一定係同路人，大家可以放一萬個心。上到去，幾位店員都係年輕人，店鋪裝橫當然係好有黃店風格。今日我叫左個 "滑旦吉烈豬扒丼" 包裝合格，估唔到個豬扒真係即炸，熱辣辣！正！滑蛋汁唔錯，洋蔥甜甜地好味道。飯好似係珍珠米，唔會煮到爛哂一 pat pat 到左中午食飯時間，估唔到咁多人，如果大家想去食，可以早啲去或者叫外賣！