新蒸武門 (已結業)

今日去左觀塘食飯，搵左一間工廈既中菜館，食無味精私房菜。成日出街食飯，間中都想食得健康啲！八寶茶，坐低就有杯養生茶，好清熱！豬手好爽脆肉質夠滑溜。冰鎮鮑魚，入口好嫩腍好入味，唔會太乾韌！大蝦蒸得爽口咸香好入味，蝦肉爽嫩新鮮。魚肉啖啖肉，無骨最岩我口味。焗雞好入味，加入冬菇蒸香，雞肉好香嫩好清甜！黃金海鮮粒炒飯，咸蛋黃炒香，海鮮粒份量都唔粉，炒飯夠乾身。無加味精食得好安心，味道唔會太濃味，清清咸香。