花園廳

營業中

休息中

Garden Room 裝修後第一次黎。比起以前明顯地闊落左同光猛左；做得最靚都係出面草地旁邊Ｄ位。餐牌上既食物基本上冇乜唔同，不過味道就差好遠啦，直頭好似換左個廚咁：　魚香茄子煲：嘩，好咸呀！要用茶沖過先送倒飯，失敗！　咕嚕肉：平時好少叫，不過意外地幾好食。豬肉好鬆，味道甜酸適中，個汁又唔會槳住個口；媽咪話最緊要係佢Ｄ菠蘿夠甜。值得推介。　芥蘭牛肉：小弟最唔鍾意食既菜就係菜心同芥蘭，因為好容易苦；點知Country Club既芥蘭居然可以咁甜咁脆嫩，真係睇相都感覺倒。薄片既牛肉無論味道或肉質都冇乜野可以投訴。　咸蛋蒸肉餅：實在係太硬啦！個肉餅既形狀，厚度，色澤，味道，肉質，全部都出哂問題；單憑依味餸已經可以肯定個廚唔同左。　豆豉雞：招牌菜之一既豆豉雞都出事，真係唔可以相信。第一次因為太多水要比返佢再做過，不過第二次出黎個效果已經大打折扣。雞肉又嚡又咸，失望！　肉絲炒河：唯一能夠保持水準既舊菜式。