華麗川湘館

營業中

休息中

新開既小店，入到去會有啲食物推介，食完都會問你覺得啲菜式如何，招呼周到，見到佢都有同其他客人互動。哩度既菜可以揀辣度，就算怕辣嘅人都可以試，怕辣嘅可以點小辣，唔怕辣就一定要挑戰下高啲辣度既快感啦！乾鍋千葉豆腐呢個菜好開胃，揀左小辣，入口好香，千葉豆腐居然係彈牙嘅！配埋爽口嘅配菜同入晒味嘅豬肉，真係估佢唔到咁好食。鐵板黑椒咸豬手豬手皮厚得黎又好嫩滑，肉質軟淋，咬落去啖啖肉，微微嘅黑椒汁更將味道提升一個層次。佢同德國咸豬手唔同既，雖然唔係脆皮，係另一個感覺，個人極力推介！干扁四季豆四季豆煮得乾身唔油，配上醃過嘅肉碎加上辣椒碎，香辣有緻，好香口，配飯一流。