影片
更多
2023-10-05
988 瀏覽
🎐久違了的大學站。想當年讀大學的時候，都未有大學站🚇。📌久違了的西環。想當年宿舍的生活，經常都落西環食飯，但未見有呢間泰國菜🌶。📌久違了的泰國菜。疫情咁耐都未飛過，回想起疫情封關前最後一轉旅行就係泰國🇹🇭。📌今日熊妹放假，柴妹放早，就喺佢返工附近搵食。發現有間食泰國菜《泰誇張》鶴立雞群喺西環電車路中間，柴妹又鍾意食泰國菜，熊妹又未食過，一於入去試新野！📌綠色的牆壁，色彩繽紛的地板，感覺上就好似入咗《Silom Cooking School》，真係好有地道泰式風味的裝潢。📌泰國菜式包羅萬有，小食主菜甜品飲品全部有齊，想食咩泰菜都有。椰汁雞湯， $65📌餐前飲個餐湯🍵，熊妹唔想飲辣的湯，想飲個熱嘅湯暖下胃，就揀咗呢個椰汁雞湯。開頭見到湯入面有隻辣椒以為個湯好辣，竟然係偏甜，無係好覺有辣味，太好了，椰奶味好重，入邊有好多舊雞肉🐥同埋草菇🍄，非常足料，食嘢前飲啖湯真係好暖胃。炸豬肉條， $88📌飲完餐湯，就食個餐前小食。見廚師推介嘅Menu炸豬肉條🐷幾吸引喎！一於試吓啦！。 一碟炸豬肉條大約有十幾條，炸到好乾身， 完全唔覺油膩，啖啖肉，食落去有鹹香味，再點少少跟上的辣椒醬，真係辣㗎！但食落好
📌久違了的西環。想當年宿舍的生活，經常都落西環食飯，但未見有呢間泰國菜🌶。
📌久違了的泰國菜。疫情咁耐都未飛過，回想起疫情封關前最後一轉旅行就係泰國🇹🇭。
📌今日熊妹放假，柴妹放早，就喺佢返工附近搵食。發現有間食泰國菜《泰誇張》鶴立雞群喺西環電車路中間，柴妹又鍾意食泰國菜，熊妹又未食過，一於入去試新野！
📌綠色的牆壁，色彩繽紛的地板，感覺上就好似入咗《Silom Cooking School》，真係好有地道泰式風味的裝潢。
📌泰國菜式包羅萬有，小食主菜甜品飲品全部有齊，想食咩泰菜都有。
椰汁雞湯
$65
10 瀏覽
0 讚好
0 留言
📌餐前飲個餐湯🍵，熊妹唔想飲辣的湯，想飲個熱嘅湯暖下胃，就揀咗呢個椰汁雞湯。
開頭見到湯入面有隻辣椒以為個湯好辣，竟然係偏甜，無係好覺有辣味，太好了，椰奶味好重，入邊有好多舊雞肉🐥同埋草菇🍄，非常足料，食嘢前飲啖湯真係好暖胃。
炸豬肉條
$88
22 瀏覽
0 讚好
0 留言
📌飲完餐湯，就食個餐前小食。見廚師推介嘅Menu炸豬肉條🐷幾吸引喎！一於試吓啦！。
一碟炸豬肉條大約有十幾條，炸到好乾身， 完全唔覺油膩，啖啖肉，食落去有鹹香味，再點少少跟上的辣椒醬，真係辣㗎！但食落好惹味！
黃咖喱炒虎蝦配農夫包
$188
14 瀏覽
0 讚好
0 留言
嘩！非常澎湃嘅一個咖喱農夫包。黃咖喱汁係多到滿瀉，入面有好多舊虎蝦，蝦肉好彈牙🍤，咖喱配海鮮不嬲都好夾，因為咖喱的濃味🥘可以配合海鮮的鮮味，黃咖喱本身係唔辣嘅，咁多咖喱汁連埋麵包食，濕濕哋又唔會好乾。份量真係好大，可以適合四至五個人食，熊妹同柴妹就真係食唔晒。
泰式酒鬼炒河
$88
32 瀏覽
0 讚好
0 留言
炒河一上枱，好香喎！味道好特別，辣辣地，配料有好多豬肉碎，河粉嘅質感係煙靭QQ地，同平時食開炒河粉質地有啲唔同，好特別喎！呢隻質地仲會本身黏黏地帶點濕潤，所以好痴啲調味醬汁，每一啖都好夠味，熊妹同柴妹都好欣賞，食吓食吓好快就食完成碟。
泰式奶茶（左），椰奶珍多冰（右）
$38
25 瀏覽
0 讚好
0 留言
泰式奶茶的做法不嬲都會偏甜啲，不過呢杯泰式奶茶🍹又冇想像中咁甜喎！可能配合返香港人的口味，甜味奶味茶味都適中，唔錯！
椰奶珍多冰， $38
椰奶味🍼超重，飲飲下仲有一條條粉條有咬口，好地道的泰式飲品。
📌一餐豐富的泰國菜，好難得在久違的地方留下新的記憶及味道，多謝《泰誇張》的出現。
張貼
