麵麵店 (已結業)

剛開業的時候，負評挺多，又話係中伏食店。所以一直都無人肯同我一齊試🙈。但傳閒嘅嘢我一向唔會盡信，一定要自己親自求證才信。所以今日上完堂決定嚟試下。店鋪收10點，9點來到，店鋪還有一、兩枱客，但就已經開始做清潔。有個店務員用綠水拖地，好大陣味，而且枱面上的木盤上的東西跟筷子都已經收起晒，我唔知木盤上本身係擺咩？我估可能係紙巾或者醬料，但因為收起晒我真係唔知，有啲趕客feel。🙄因為已經9點，唔想食太飽，選擇要韮菜底，但因為韮菜唔夠，最後變咗一半韮菜，一半米粉，選了三餸，分別是大腸、雞翼尖同酸齋。三款餸都好味，大腸同雞翼尖好入味，而酸齋可以吸晒啲湯精華。隨每碗車仔麵會有一小碗辣菜脯，這個辣茶脯好好味！！初初食唔覺辣，但啲辣味係慢慢係喉嚨湧返上嚟。飲品方面跟餐可以選紫貝天葵，其實我唔知咩嘢係紫具天葵，但諗住試下都無咩所謂😂。有人話佢飲落似“利賓鈉”，係有少少似，味道不太甜，少少酸，有啲似洛神花，幾醒胃。我食到一半，9點半佢就拉膠鏈封住，我聽到門口有人經過話“哎呀，原來已經關門啦！”然後就走了，我問店員係咪收9點半，佢話唔係，收10點，叫我慢慢唔洗急，但佢拉晒鏈封舖又收晒枱上嘅嘢比我感覺好趕收