丸十日本食堂 (已結業)

葵芳呢間丸十日本食堂簡直係我嘅飯堂，屋企人好鍾意食，覺得佢餐牌選擇好多，好多日本料理都有供應，包括刺身、壽司、串燒、燒物、丼飯、麵類、小食等，相當豐富，食物質素亦對唔錯嘅，所以耐唔耐都會想嚟食飯。今次叫咗個牛肉丼飯，牛肉鋪滿成碗，中間仲有隻溫泉蛋，做到流心效果，牛肉肉質嫩牛味濃，食到尾都仲有肉，幾好！呢度串燒都唔錯，燒雞皮整到好脆，咬落脆卜卜好香口，燒雞肉串肉質嫩滑又juicy，配埋飲品就非常正啦！