華宴食府

營業中

休息中

公司附近開咗新商場，今日同同事 lunch一齊試呢間新酒樓。酒樓面積都幾大，有卡位，有圓枱，仲有房間。黃金鮮味蝦餃皇（特）蝦餃隻隻都好飽滿，晶瑩剔透，上面仲掃咗啲黃金色，即刻高貴晒。餡料係蝦膠加上蝦粒再有筍絲，爽口彈牙。華宴鮑魚燒賣皇（精）燒賣賣相非常吸引，原隻鮑魚放上上面。燒賣免治豬肉再加上豬肉粒再加上蝦肉粒粒，口感豐富，爽口鮑魚煮得好腍，唔錯。水晶帶子菜苗粿（大）呢個菜苗果賣相好靚，好似一個粉紅福袋咁。入邊啲菜苗好香蒜蓉味，好爽嫩。巧手潮州小粉果（小）潮州粉果，餡料豐富，芹菜加上韭菜再加上肉碎同花生，好香。X O醬炒腸粉$58呢個炒腸粉，熱辣辣香噴噴， XO醬惹味加上芽菜蛋絲，個腸粉好香。黑松露流汁叉燒包（大）呢個叉燒包造型好特別，係黑白雲石花紋。裏面餡料充滿黑松露香氣，半肥瘦叉燒粒都唔少。無花果咸水角（中）呢個鹹水角造型好特別，係一粒紫色嘅無花果，好香脆軟糯，入邊嘅餡料都幾鹹香，如果多啲餡料就更佳。