翔龍拉麵小籠包 (已結業)

＜懷孕 26週＞而家每個星期都有兩日假期，老公又成日懶惰唔肯煮野食，我地唯有次次放假都出去食飯。今天下好大雨，老公唔想我行太遠，怕滑倒，所以駕車車我去荃灣愉景新城食午餐，順便行下商場內的嬰兒服裝用品店。以前其實都黎過在1樓的翔龍拉麵小籠包店，覺得呢度既侍應有禮貌和落單快，食物質素不錯，價錢唔太貴，最特別是有很可愛既小朋友餐具，方便一家大小來食飯。今天翔龍搬左上3樓，鋪面多了位置，不過個裝修唔似係食上海菜。新鋪午市的menu沒有套餐，唯有單叫。我點了個蕃茄雞絲拉麵，蕃茄係切粒上，份量不多，雞絲好清，無咩鹹味，應該無醃過，很適合孕婦食。老公點了上海粗炒，有雜菜伴炒，唔算太油膩。仲有一籠必點的小籠包，新鮮蒸熟，中間的肉都有鮮味，不錯！