西少爺

營業中

休息中

樓下新開鋪頭，放假同屋企人黎左試下！叫左biangbiang面試下，係大陸見得多，香港好少見到有餐廳有，可能我地叫左微辣（屋企人食唔到太辣），所以唔係好夠味，面嘅質感偏淋身少少，掛汁係一流，下次叫辣少少試下！魚皮爽口，大件厚身👍🏻酸菜魚飯，魚肉唔會散，嫩滑夠味，有芽菜同娃娃菜打底梅子甜酸骨，估唔到可以做到掛汁效果，都幾唔錯，值得嘗試特色醬骨，大大件夠淋身，不過個人唔係好中意食肉，就覺得一般，食完都幾膩下！啫啫生腸煲我中意，滾熱辣甘上檯，生腸夠爽口紅糖糍粑都唔錯，外脆內軟，有黃豆粉同紅糖可以選擇 總體都算唔差，味道可以，價錢都唔算好貴，會有下次！