膳廚

營業中

休息中

疫情雖然已經消退，但兩餸飯依然受到好多人喜愛，今日返工前經過上水，發現開咗間新嘅兩餸飯店，三餸飯只係需要$35，仲有例湯送，都幾抵食。可能因為新開張嘅關係，都相當多人買，我差唔多一點半去到，已經剩返唔係好多餸可以揀，好彩仲有我最喜愛嘅蘿蔔牛腩，店員話因為一點半之後已經比較少客人，所以到晚市先會再新煮下一輪餸，確保餸菜新鮮，唔會擺成個下晝。揀咗三個餸，分別係蘿蔔牛腩、鹵水豬手及蒸雞，值得一讚嘅係餐廳會將飯同餸分開盒裝，咁就唔使驚白飯會浸滿汁啦。三款餸中最喜歡蘿蔔牛腩，煮得好淋好入味，牛腩之外仲有牛筋；雲耳蒸雞唔會太油膩，雞件都幾嫩滑，整體黎講都算滿意。