而打淥滷汁拌粉 (新都城中心二期)

營業中

休息中

地址－而打淥滷汁拌粉 (新都城店） 將軍澳欣景路8號新都城二期1樓1018號舖近日我家樓下開左間台式食品店，雖然而家終於開左關，但我暫時仍未能夠去台灣遊歷，咁只好靠一點台式食物黎一解想去台灣的心吧。💋台風定食(四寶拌麵，蘋果梳打)，呢個四寶中係有雞腎，雞翼，紅腸同埋蘿蔔，材料勁豐富，而佢的雞腎食落爽口彈牙，雞翼勁大隻，勁入味，而蘿蔔就盡吸鹵水精華，香甜得黎又不失風味，勁正，而佢D麵的份量都唔少，又索滿鹵水味，勁香濃，正，配埋蘋果梳打，一股台灣的感覺返晒黎。💋台風定食(蘿蔔金錢肚拌粿條，苿香柚茶)，呢個就配上金錢肚，金錢肚的口感淋滑而且入味，食落唔錯，而粿條睇上去同烏冬有點相似，但就比烏冬更加爽滑，索汁能力好似比烏冬更佳，而佢個餐前小食似係用左鹽水雞的汁料去製作，食落勁脆身，幾開胃，唔錯。