春禧堂台灣料理餐廳 (已搬遷) 新店位置

朋友告知尖沙咀有間新開張既台灣食店， 位置係尖沙咀中港城平台，地方寬敞，環境舒適。餐廳用了雅緻的顏色，擺放了垂吊的白雲乾花、蝴蝶吊燈，最啱同朋友一齊打卡影相。食台灣菜一定要選地道的食物。我們order了紅燒牛筋腩牛肉麵，鮮甜的牛骨湯底，牛腩入口軟嫩，牛筋彈牙。牛肉鍋細細煲，適合2個人食用，而且材料十足。配料有牛肉、牛筋、牛丸、菇類、蘿蔔、金菇、娃娃菜，每款都好好味，湯底清甜沒味精，十分滋味😋另外小食方面，我地order了台灣腸和滷水蛋，台灣腸比一般的香腸較為甜，肉質肥瘦適中。滷水蛋蛋黃味又濃又香，非常美味。飲品方面，芝士奶蓋火龍果茶比較特別 ，芝士奶蓋入口順滑，芝士鹹香及火龍果茶的香甜交戰著。芒果益力多用香甜的台灣芒果配上益力多，啖啖都係芒果味。