富士山 (已結業)

同朋友去銅鑼灣食晚飯，我地搵左一間新開既日本餐廳，呢間餐廳環境唔錯！食物亦都有好多選擇！我地點左好多野食啊，包括呢個富士山丼，入面有勁多料啊，有成6、7樣魚生，包括三文魚、油甘魚、北寄貝、海膽、生蝦、帶子等等，一個丼飯滿足多個願望啊！另外，我地仲點左帆立貝黑松露壽司，新鮮既帆立貝配上濃郁既黑松露，好正啊！仲有呢個蟹肉蟹膏甲羅燒都勁吸引啊，甲羅燒即燒即食，鐘意食蟹既人必試啊！清酒煮蜆亦都整得好好食！另外，仲點一啲小食，包括鹽燒bb甘薯、鱈魚片、鹽燒冬菇串同埋烤雞軟骨。