第一家 (已結業)

今日去到西灣河同朋友食午餐。臨走嘅時候家母話唔想煮飯，叫我買埋外賣返去一家三口食。咁不如就咁食炸雞啦。用外賣app碌碌下見到呢間第一家。有炸雞等食物。於是就落單。然後行過去拎走埋。今日點左無骨半半炸雞。芝士雞蛋捲同海鮮炸醬麵。無骨半半炸雞點左原味同酸甜味。揀左BB辣。炸雞炸粉唔多。而且啖啖肉。炸得嚟仲保持大量肉汁係肉入面。芝士雞蛋捲非常足料。除左蛋皮做到好厚身之餘。咬落去有大量芝士。岩芝士控。最後就係海鮮炸醬麵。三個字！勁足料。有大量蝦肉同魷魚之餘。份量多到我諗4個人都食唔晒。整體性價比高。值得推薦。