影片
更多
2023-09-02
667 瀏覽
第一次寫食評，寫得唔好請見諒🙏🏻見8號風球已過，懶得煮，就落屋企樓下睇吓有咩食，路過呢間店又剛轉手，新開小店俾次機會佢，見到餐牌好多選擇，突然想食涼面就外賣試吓。老闆娘笑容好，好好有禮貌，店內其他人應該係屋企人兼職做店員比較生手，感覺都係老闆娘一腳踢。選擇左”豬耳重慶涼麵小辣”- 外觀睇合格，$42一份，份量多滿滿一大碗。涼麵已預先煮好，雪櫃攞出嚟即撈，名副其實涼麵，可惜麵質偏淋唔彈牙，唔係我喜歡嘅麵質。豬耳切到超薄，可能用機器刨片，仲有好多配料： 青豆、花生、青瓜絲及另外一種黃色嘅豆唔知係黃豆定係豌豆，可惜本身冇乜味，只靠涼麵汁吊味，另外豬耳非常非常硬，𡁻到牙較都梗埋。涼麵汁唔夠香，主要係基本鹹味同辣油。有改進空間，希望店主努力🙏🏻💪
見8號風球已過，懶得煮，就落屋企樓下睇吓有咩食，路過呢間店又剛轉手，新開小店俾次機會佢，見到餐牌好多選擇，突然想食涼面就外賣試吓。
老闆娘笑容好，好好有禮貌，店內其他人應該係屋企人兼職做店員比較生手，感覺都係老闆娘一腳踢。
選擇左”豬耳重慶涼麵小辣”- 外觀睇合格，$42一份，份量多滿滿一大碗。
涼麵已預先煮好，雪櫃攞出嚟即撈，名副其實涼麵，可惜麵質偏淋唔彈牙，唔係我喜歡嘅麵質。
豬耳切到超薄，可能用機器刨片，仲有好多配料： 青豆、花生、青瓜絲及另外一種黃色嘅豆唔知係黃豆定係豌豆，可惜本身冇乜味，只靠涼麵汁吊味，另外豬耳非常非常硬，𡁻到牙較都梗埋。
涼麵汁唔夠香，主要係基本鹹味同辣油。
有改進空間，希望店主努力🙏🏻💪
張貼