Mee...lemongrass (已結業)

有個friend介紹，話坑口開咗間新嘅泰國菜餐廳， 好多人排隊 ，上次佢想入去食 ，但因為實在太多人，所以冇繼續等落去， 今日行過見條龍都可以接受， 所以一於試佢一試。第一個嗌咗個 差唔多每張枱都有叫嘅龍蝦喇沙 ，係原隻龍蝦 ，冇花冇假 ，雖然知道喺雪藏龍蝦 ，但係肉質都仲係好彈牙， 84蚊 冇得輸， 另外我好欣賞佢個麵底同時係有米粉同埋粗麵， 米粉好索汁，粗麵有咬口 ，原來粗幼麵咁樣配搭好加分，有心思， 喇沙湯底好香濃，而且夠辣，必食！！！第二碟餸食咗香脆鱸魚配青芒果配秘製醬汁， $108，鱸魚炸到脆卜卜， 好香口， 一啲都唔油膩，炸得 好乾身 ，而青芒果 酸酸地好開胃 ，我見唔係好多人叫呢碟餸， 但係我覺得其實真係好好味，大家可以試下。最後食咗個 海南雞飯套餐 ，74蚊好抵食， 有雞，有油飯，一碟菜，仲有碗湯 。雞肉好滑 ，肉質係實實地，唔係嗰種鬆散嘅肉質， 碗雞油飯好大碗 ，加分位係碗湯超級熱辣辣。