雪吧音樂餐廳

營業中

休息中

位於山林道既雪吧新開張無幾耐，我以前去過河內道分店，覺得氣氛環境相當好。今次新店開張，一於去支持下！餐廳乾淨企理，環境舒適，適合朋友聚會！小食方面，推介要試串燒秋葵，燒得好好，唔會乾身，配合埋七味粉好惹味！係健康食品既好選擇。另外，釀雞翼都整得好入味，入面有芝士、蘑菇、煙肉碎和雞肉，外面就塗左蜜糖先燒，幾有BBQ既味道，值得讚既係雞翼尖唔會燒到好燶同埋乾晒，幾好食😋👍🏻！主菜係西冷牛扒，波浪型薯條係即叫即炸既，顏色係金黃色，唔會係萬年油！西冷牛扒真係堅足料，勁厚身，肉質偏瘦，無咩根同埋肥膏，都幾岩鍾意食牛肉既健身人士😆👍🏻！沾d燒汁食會更加好味，份量真係好多，食完真係好飽🤣！