Slow House

營業中

休息中

繼續周圍幫襯同支持小店，今次揀咗一間主打煙燻，低溫慢煮嘅餐廳，性價比高。我同朋友都叫set dinner，小食揀左蒜蓉包同埋墨西哥脆片配牛油果醬，主菜揀咗煙燻美國安格斯西冷牛扒（8oz)、德州慢谷牛腩漢堡配粗薯條，加左份是日甜品 - Brownie 配雲呢拿雪糕，飲品叫左比較特別既士多啤梨奶。小食蒜蓉包有驚喜，麵包表面有原粒蒜蓉，配埋香脆麵包，食落去熱辣辣，一定要試吓。煙燻美國安格斯西冷牛扒（8oz)煙燻產生色、香、味滲入牛扒，產生獨特風味，牛扒食落去有少許煙熏味道，香氣濃郁同時保存食物原本口感，牛扒煎得火侯剛好，選了店家推薦既5成熟，肉質鮮嫩，值得一試👍🏻德州慢焗牛腩漢堡配粗薯條（可加$10轉番薯條）漢堡分2種size，regular / large，我地兩個女仔食量吾大，揀左regular，慢焗令牛腩口感特別軟腍，牛腩份量好多，食完好滿足。跟餐可以揀水果奶，分別有香蕉奶/士多啤梨奶，都係用上新鮮生果整，飲落去軟滑，健康之選。是日甜品 - Brownie 配雲呢拿雪糕超好吃，巧克力味道香濃，有少許可可粉的苦味，入口紮實濕潤，連埋雲呢拿雪糕一齊食，口感豐富，雲呢拿雪糕甜度剛好。