影片
更多
2021-10-27
472 瀏覽
💎總評分：7.0/10-餐廳主廚曾任職米芝蓮食府，主打中西合壁，用名貴食材炮製京川菜式。餐廳著重美感，唔單止食物賣相精緻📸，環境裝修都好特別，模仿洞穴設計充滿藝術感。由於打風原定計劃有變，見餐廳望落唔錯就入去試下啦！1️⃣ 奇亞籽香蒜拌青瓜 $88餐廳試業中未有其他蔬菜選擇，揀左呢個清新D嘅沙律🥗，中式前菜用上奇亞籽的確幾fusion，少許香蒜調味，青瓜切成薄片🥒，排成花咁賣相夠靚。 2️⃣ 玫瑰露酒醉鴨肝醬配紅棗凍 $148個名改得好矝貴嘅一道菜式，金色器皿底層係香滑嘅鴨肝🦆，面層係紅棗味嘅啫喱，兩者嘅口感味道固然不一樣，但係又出奇地match😋，舖上花瓣賣相別緻🌸，唯獨玫瑰露味道可以再突出D。3️⃣ 醉南非鮮鮑魚配黃酒凍 $158鮑魚爽口彈牙，作為涼菜頭盤唔錯👌🏻，黃酒凍因為係啫喱狀嘅關係就比較難分成小份，相反鮑魚已經切左片方便share嚟食，所以兩樣野基本上食嘅時候係會分開單獨食，黃酒凍嘅酒味就可以突出D。4️⃣ 香煎北海道帶子配鍋巴帶子鮮甜煎得剛好，配鍋巴幾特別，香脆乾身，但係一軟一硬個texture太唔一樣嘅關係，其實進食時都係兩樣獨立個體咁食🙈。5️⃣ 松露黃金虎蝦 $228松露同鹹蛋黃兩
-
餐廳主廚曾任職米芝蓮食府，主打中西合壁，用名貴食材炮製京川菜式。餐廳著重美感，唔單止食物賣相精緻📸，環境裝修都好特別，模仿洞穴設計充滿藝術感。由於打風原定計劃有變，見餐廳望落唔錯就入去試下啦！
1️⃣ 奇亞籽香蒜拌青瓜 $88
餐廳試業中未有其他蔬菜選擇，揀左呢個清新D嘅沙律🥗，中式前菜用上奇亞籽的確幾fusion，少許香蒜調味，青瓜切成薄片🥒，排成花咁賣相夠靚。
奇亞籽香蒜拌青瓜
$88
14 瀏覽
1 讚好
0 留言
2️⃣ 玫瑰露酒醉鴨肝醬配紅棗凍 $148
個名改得好矝貴嘅一道菜式，金色器皿底層係香滑嘅鴨肝🦆，面層係紅棗味嘅啫喱，兩者嘅口感味道固然不一樣，但係又出奇地match😋，舖上花瓣賣相別緻🌸，唯獨玫瑰露味道可以再突出D。
玫瑰露酒醉鴨肝醬配紅棗凍
$148
38 瀏覽
0 讚好
0 留言
3️⃣ 醉南非鮮鮑魚配黃酒凍 $158
鮑魚爽口彈牙，作為涼菜頭盤唔錯👌🏻，黃酒凍因為係啫喱狀嘅關係就比較難分成小份，相反鮑魚已經切左片方便share嚟食，所以兩樣野基本上食嘅時候係會分開單獨食，黃酒凍嘅酒味就可以突出D。
醉南非鮮鮑魚配黃酒凍
$158
20 瀏覽
0 讚好
0 留言
4️⃣ 香煎北海道帶子配鍋巴
帶子鮮甜煎得剛好，配鍋巴幾特別，香脆乾身，但係一軟一硬個texture太唔一樣嘅關係，其實進食時都係兩樣獨立個體咁食🙈。
5️⃣ 松露黃金虎蝦 $228
松露同鹹蛋黃兩樣都偏重味道，兩種味點mix埋小偏真係imagine唔到😅。不過食落其實無松露味，似普通黃金蝦🦐。蝦算新鮮大隻，不過呢個價錢得兩隻性價比有D低。
松露黃金虎蝦
$228
25 瀏覽
0 讚好
0 留言
6️⃣ 草莓美國牛肋骨配芥末籽醬 $278
食落有驚喜，雖然唔係高級牛，但係肉質都唔錯，煮得腍又唔鞋，最重要係個芥末籽醬😚，分開上俾客人自己落，聽落芥末以為係wasabi嗰種有D攻鼻嘅感覺，但係食落仲有D麻辣感🌶️，值得推介🌟。
草莓美國牛肋骨配芥末籽醬
$278
9 瀏覽
0 讚好
0 留言
7️⃣ 擔擔拌墨汁麵 $128
特別之處係用左墨汁麵，所以成碗野都係黑色🖤，對比一般擔擔麵佢少D湯似撈麵，食落味道更為濃郁惹味😋，雖然望落Portion比較細，但係食多幾啖都會濟。
擔擔拌墨汁麵
$128
12 瀏覽
0 讚好
0 留言
總括嚟講，餐廳環境同食物賣相都好精緻，雖然今次小編無叫甜品但係睇相都見到好靚下，啱晒女仔手打卡📸。食物質素一般，未至於會再嚟食，食材配搭上創新但係好唔好食就見人見致了。
題外話 - 朋友特登訂左個流心cheesecake拎嚟慶生🎂，一入門口已經講左唔好放入雪櫃，因為一雪左就流唔到心，然後坐低再講，一共三次，結果最後拎出嚟cut cake個蛋糕係凍嘅😭。。。佢地竟然雪左💔。因為全部人對個蛋糕充滿期待，已經千叮萬囑仲係放入雪櫃，即刻聯想到某餐廳拎個壽包蛋糕去蒸嘅畫面🤢，真心對店員嘅疏忽感到失望，而見到我地失望嘅表情，店員除左道歉都無任何表示了😔。可能係餐廳仲係試業期間，運作未純熟，希望日後可以留意客人嘅要求。
-
環境服務：⭐⭐
食物質數：⭐⭐⭐
打卡指數：⭐⭐⭐
題外話/補充資料：
🚗K11商場有泊車優惠~
(以上食評乃用戶個人意見 , 並不代表OpenRice之觀點。)
張貼
