不忘 (已結業)

經過韓國街果頭發現多左間腸粉鋪就入去試試。入面位唔多，主打外賣，後生仔經營。主要賣皺皮腸粉、韭菜豬肉餃子仲有牛丸，有d肚餓就三樣叫曬。腸粉底廿蚊之後逐樣餸加錢，價錢唔高，最啱放工口痕買番歸嘆下。腸粉整得快，嚟到見到碟腸粉有成4條，料都好多，性價比高。佢d豉油有落過心思，食落同出面比多左d鮮味，配落腸粉好夾。餃子就見到係店員自己手工包既，d餡包到一粒粒唔會散，算係唔錯。牛丸好彈，咬落去入面d汁爆出嚟，出面小食店好少食到咁既質素，好值得一試。