炸理滷味 (已結業)

同朋友行過旺角，無啦啦俾我地見到呢間炸理鹵味，呢排fb好多人講佢個粗口諧音店名，所以我地又趁熱鬧去試埋一份。80-90年代既店舖裝修風格，感覺相當懷舊。呢度都係食炸野，價錢都唔算特別貴，如果多人黎食可以叫set。散叫都有好多選擇，同朋友都揀左好耐。買完就可以拎單行埋一邊等。因為係即叫即炸，所以都等左5-10分鐘。賣相睇落唔錯，炸粉比想像中薄，我食左多春魚同冬菇，兩樣都係外脆內軟，多春魚熱辣辣唔會腥，而且都幾大條，冬菇入口好juicy，咬落會有汁流出黎，不過就淡左少少。整體黎講唔貴又好味，而且即叫即炸，下次一定會再黎試埋其他款。