燒肉 帝 (已結業)

今日專登去咗日出康城搵朋友，見到呢間燒肉新開，個格局幾靚就入去試吓，因為全部朋友都鍾意食和牛，見到就即刻心心眼😍😍。一行埋去個接待就同我哋介紹佢哋嘅牛肉係日本鹿兒島嘅和牛，一入到去就俾咗一張好舒服嘅卡位俾我哋，基本嘅圍裙濕紙巾同埋口罩套都已經一套放晒喺枱面，同埋一坐低就已經安排咗熱茶🍵，非常周到。佢哋喺個餐牌上面已經列明左啲牛肉嘅部位名稱，好清楚可以有張牛既圖片可以睇到。我哋呢啲懶人最啱就係叫套餐，我哋四個都係叫咗「帝」Omakase menu , 見到佢個餐仲會送一大片「野原燒」，非常吸引我呢啲食肉獸。首先佢會嚟咗三款肉先，包括牛胸腹，特上牛肩肉同埋肉眼蓋肉😍😍，嗰度啲樓面態度非常好，始終靚嘅肉如果over cook左就會晒左，放落去燒之前佢都會先介紹咗呢一塊係咩肉，唔會話食完唔知食咗啲咩。食完呢三款之後就會上埋其餘嘅肉，有三筋，大三角，上腿肩胛肉，肩胛肉本身就已經係一個好好食嘅部位，加埋佢係和牛，入口即溶，好食到不得之了。之後佢就上埋送嗰塊「野原燒」，勁大塊，好驚喜，諗住送嘅會係好細塊🤤一塊肉撈埋日本雞蛋再配埋個木魚清湯，非常滿足。之後仲有一個海膽牛柳飯，海膽都好鮮甜，我同朋友都食