水木日本料理 (已結業)

觀塘海濱公園附近開咗間日本餐廳，晚市套餐好抵食。新張晩市優惠套餐 二人前 $498🥢小食拼盤鱈魚乾、池魚、縞蝦鱈魚乾燒到脆卜卜。池魚仔同縞蝦成隻都食得。縞蝦炸完都係咁鮮甜。🥗北海道薯仔沙律薯仔沙律粉腍香滑。薯仔甜味配mayonaise味道好夾。🍣時令刺身四點平政、金線鯛、中拖羅、縞蝦四款都係高價位嘅刺身。平政味道清甜。中拖羅幾乎入口即溶。金線鯛味道比平時稍濃。縞蝦甘甜彈牙。🍢任選三款串燒雞軟骨、雞腎、五花腩最好味係五花腩！簡單鹽燒，肉質彈牙而且表面又有焦香。雞軟骨、雞腎都係爽脆有咬口嘅選擇。🥚茶碗蒸嫩滑又熱辣辣。🥣牛肉稻庭烏冬或🍣壽司4點配麵豉湯烏冬滑滑溜溜。牛肉上枱時半生熟，浸一浸熱湯就啱啱好。火炙中拖羅、油甘魚、平政、帆立貝油甘魚肉質結實，油脂香味好重。雖然都係鰤，但同平政嘅味道完全唔同。火炙逼出中拖羅嘅油脂，肉質軟綿，邪惡但難以抗拒😈。🍦時令甜品豆腐雪糕/芒果雪糕。