越式小廚

營業中

休息中

健康雞絲湯河睇個名好似唔多吸引但實情唔係🤣雞絲好滑身，而且佢地麵用五穀麵，色靚又啱哂健康人士👍🏻最特別係佢地湯頭，湯底好鮮甜，配合埋雞肉同麵唔洗過多調味已經好好味，冬天食完個胃暖笠笠。😄菠蘿海鮮炒飯菠蘿殼原殼送上，飯粒炒到粒粒分明，而且好有飯香味！入面除左有菠蘿肉，仲有唔同配料增加口感，如蝦仁、蘿蔔、青豆同魷魚等。我地仲揀緊小食果陣，店員推介我地試下新菜式：咖哩大頭蝦🦐一上菜見到以為係龍蝦，真係好大隻！蝦膏鮮甜，蝦肉多得黎夠爽彈！咖哩汁唔係好重口味果隻，但又未去到日式咖哩偏甜，個人覺得似馬來西亞果邊咖哩，花生味重啲，用黎夾新鮮既大頭蝦都幾好，唔會遮到大頭蝦既鮮味。招牌青檸酸梅綠茶青檸 x 酸梅雙重酸味層次唔會覺得太酸，反而酸得幾過癮👍🏻.越式蜜桃珍珠紅茶味道有少少似利賓納珍珠其實係奇阿籽😆甜品有椰汁三色冰加蓮子及珍珠～椰奶味超濃，蓮子煮得好腍好甜，為今餐作出完美既句號🤤總結：雖然呢間小店係新開，附近又有好多小店餐廳，但我地由等位到食完都見到係keep住全場爆滿，而且仲留意到唔少越泰人士幫襯，可見佢地做法都好地道。特別推介佢地湯河，個湯一試難忘。😍店員服務態度都好好，好有禮貌。