稻香 (德福廣場2期)

營業中

休息中

德福裝修完重開有太興、稻香，純粹八卦想睇下新裝修嘅稻香，點知阿姐熱情招呼，九點後打邊爐特價啱啱開始，望吓個價錢每位138，非常吸引，咁就俾阿姐引左入去。酒樓將所有間隔打通，空間闊落好多，中間有個自助吧，專攻打邊爐人士使用。打開張餐單，做得好指細，可以選擇食物1/2，1，2及3份，選單特別介紹有蝦、花膠、蠔、無骨牛小排，任食火鍋好少有呢啲食材。鴛鴦湯底正常係清湯及沙嗲，原來鴛鴦鍋底可以揀兩種唔同味道配合，所以選了芫荽皮蛋及沙嗲湯，另外介紹下佢哋個自選調味料，有麻辣醬，味道不錯。飲品自選罐裝汽水、涼茶。糖水有芝麻糊及杏仁露，同牛奶公司小杯雪糕。埋單加一每位＄150左右。阿姐有禮貌、地方整潔、座位舒適、唔錯唔錯。