圍威喂 (荃灣廣場) (已結業)

今日放假同朋友們出左荃灣行街，係荃灣廣場見到間新開馬拉菜，我地不約而同都畀佢嘅裝修吸引左想試下😂呢度嘅音樂同裝修都令我哋覺得好歡樂😂我地三個人叫咗個黃咖哩軟殼蟹， 飛天炒椰菜苗，圍威喂拼盤，泰式肉碎炒飯，泰式珍珠奶茶同一個白飯～黃咖哩質地偏稠，食落幾香椰味同埋偏甜，完全唔辣，同平時食開既咖哩幾唔同，但都幾好食😆 軟殼蟹份量足，外層炸得漲卜卜，肉質肥美👍飛天炒椰菜苗色澤嫩綠炒得好靚，少少辣唔會太鹹好惹味，椰菜苗爽脆😋拼盤嘅香葉雞好嫰滑👍 春卷香脆，裏面有類似芋頭粉粉地亦有木耳爽口嘅口感，唔錯😁 但個人認為蝦餅比較實唔夠彈牙，不過朋友話覺得好食😂泰式肉碎炒飯超大碟😅 幾有鑊氣粒粒分明，輕微既辣水準同樣唔錯～有個朋友覺得食咖哩一定要配白飯，所以叫左個炒飯都依然加個白飯😅😅朋友話珍珠奶茶既珍珠好煙韌，唔算好甜，顏色似泰式但味道唔係好泰式，我都唔係好明🤔🤔 埋單都係百零蚊一個人，環境舒服店員服務好，野食又好食，會再黎👍👏