仙葉 (遠東銀行旺角大廈) (已結業)

是日路過旺角，在朗豪坊行完一輪，準備往按摩店的途中，發現這家新茶飲店，於是買杯來試吓。店仔細細，但茶飲的種類卻10分豐富，更意想不到的是有台式甜品提供。新張期間，飲品甜品買一份，第二份半價！我的芝士奶提白桃烏龍好快做好，上面層芝士奶蓋有一定厚度，食落質感幼滑，咸咸地，好味道！下面的烏龍茶味清香，好輕怡，同上面層奶蓋異常地夾！凍飲冰度無得揀，只可以揀甜度，所以半甜剛好！整體來說，質素不錯，又近朗豪坊，下次去facial或按摩前後來一杯正好！支持小店!