影片
更多
2020-11-20
103 瀏覽
番工真係忙好攰，放工之後都唔想再番去煮飯，所以都係出去食算喇~ 我地就約埋係長沙灣等，有間新開嘅商場，好似係韓國嘅貨櫃商場，入面都有好多食肆小店，可能仲係好新所以人流唔算好多，唔會有一種壓逼感，我地就揀左間泰式餐廳食，因為職員好NICE咁為我地介紹美食，所以我地最後都入左去食。一入座侍應就送左一碟蝦片比我地食。我地叫左兩杯具泰式風味嘅凍飲。泰式凍奶茶茶底味幾香濃，味道好有係泰國當地飲嘅FEEL，而且煉奶味好香甜，飲落又唔會好膩，幾好飲。唔怪得知咁多人鍾意飲泰式奶茶。菠蘿沙冰口感好細滑，仲有陣陣清新嘅菠蘿味，個味一啲都唔會過甜同假，飲得出用新鮮菠蘿製成。小食拼盤可以一次過食哂四款小食，有鳳凰雞丸、炸蝦餅、炸魚餅、春卷，炸蝦餅同鳳凰雞丸嘅口感都好彈牙，炸蝦餅有好香蝦嘅鮮味。而炸魚餅就有好香濃嘅香茅味，春卷就炸到好脆口，加埋泰式辣醬食，味道好滿足。泰式燒豬頸肉次次去食泰國菜必點就係燒豬頸肉，呢到嘅燒豬頸肉份量都幾足料，外層燒至焦香，食之前點上秘製辣汁，非常之惹味。飛天通菜食落有少少辣辣地，見到用左好多辣椒、泰式黃豆醬，顯得更加香口同惹味，通菜炒得好有鑊氣，而且仲好爽口，好正。雪山芒果糯米飯最
一入座侍應就送左一碟蝦片比我地食。
我地叫左兩杯具泰式風味嘅凍飲。
泰式凍奶茶
茶底味幾香濃，味道好有係泰國當地飲嘅FEEL，而且煉奶味好香甜，飲落又唔會好膩，幾好飲。唔怪得知咁多人鍾意飲泰式奶茶。
菠蘿沙冰
口感好細滑，仲有陣陣清新嘅菠蘿味，個味一啲都唔會過甜同假，飲得出用新鮮菠蘿製成。
小食拼盤
可以一次過食哂四款小食，有鳳凰雞丸、炸蝦餅、炸魚餅、春卷，炸蝦餅同鳳凰雞丸嘅口感都好彈牙，炸蝦餅有好香蝦嘅鮮味。而炸魚餅就有好香濃嘅香茅味，春卷就炸到好脆口，加埋泰式辣醬食，味道好滿足。
泰式燒豬頸肉
次次去食泰國菜必點就係燒豬頸肉，呢到嘅燒豬頸肉份量都幾足料，外層燒至焦香，食之前點上秘製辣汁，非常之惹味。
飛天通菜
食落有少少辣辣地，見到用左好多辣椒、泰式黃豆醬，顯得更加香口同惹味，通菜炒得好有鑊氣，而且仲好爽口，好正。
雪山芒果糯米飯
最後甜品時間，原本我地諗住叫芒果糯米飯，但侍應同我地講而家新推出左“雪山芒果糯米飯”，加左雲呢拿雪糕，於是我地就一於試下，黎到個賣相真係好吸引，好有泰國CAFÉ小店嘅模樣，餐廳仲另上左椰汁同花生，食之前加埋落去，味道同口感都好豐富。
芒果香甜，而且又唔會甜得誇張，食得出個味道好天然，唔似浸糖水，糯米飯之分左紅米同白米，仲係熱辣辣，食落好煙韌有口感，加埋椰香同雲呢拿雪糕，強烈冷暖口感，好滿足，拍得住係泰國食嘅味道，相當出色。
呢間餐廳啲野食都幾好味，而且啲侍應好NICE，同好多客人都有講有笑，香港就係好缺乏有呢種服務熱誠嘅侍應。
張貼
