哥哥添飯•妹妹泡茶

營業中

休息中

火炭越來越多新食肆，今日發現一間新開嘅台灣外賣店，人山人海，埋去八下。佢哋只做外賣，主要做便當同台式飲品，選擇都幾多。呢間外賣店無論係招牌定還是係食物包裝都好清新。話就話係台式店，但佢都有非台式嘅便當賣，今次我就買咗個牛小排撈檬，午餐送指定飲品。埋去買嘢食，收銀哥哥好有禮貌，亦好細心咁解釋每一樣食物嘅分別。牛小排都幾厚同好入味，亦唔會一大浸梳打粉味，撥開啲牛小排，彩虹色嘅配菜令人好驚喜同好清新開胃，老板唔吝嗇呢d花生碎同埋彩虹色配菜，火炭區真係好少見。成個撈檬感覺好Fresh好豐富，而且配埋野飲先至係$52 ，絕對超水準之作。