影片
更多
2012-07-16
12 瀏覽
多得Groupon團購，今日就去試試呢間新開既1000円鐵板燒！平時我甚少買團購餐飲coupon，因為好多實在好搵笨！一係份量勁少，一係超級唔好食！今次咁斗膽買嚟試試，就係因為見佢新開都搞團購(其實未都未正式開)，擺到明就係要打響個朵、做好宣傳！我深信唔會差得去邊既！無理由搞個團購一開波就搞衰自己個名卦！其實去之前都冇乜特別期望，況且團購價$98你都唔會抱有萬二分既期望去食。佢既前身2000円料理放題我又未去過，所以完全冇reference佢提供既食材會係咩水平。我同男朋友比預約既時間早左好多到，見入面都幾full，但都即管問下可唔可以早D入。門口接待嗰位鬈毛哥哥，禮貌同服務態度好不錯！等佢check清楚booking，好快就入得喇！入座之前既好service為呢間野加唔少分！入到去，略嫌抽風系統唔夠好，都見有D煙。去過韓國嗰D真係可以冇煙既呢！不過我好少去食鐵板燒，所以唔知香港嚟講佢算係比較好定差。而座位方面略嫌同隔離有D近，但還可以接受。其實佢都還算體貼的，佢D櫈其實係個箱，可以俾你放袋。只不過袋不能太大，如果唔係就入唔到，就要好似我男朋友咁放大髀成晚囉！好慘呢！而枱就比較細，大概
平時我甚少買團購餐飲coupon，因為好多實在好搵笨！一係份量勁少，一係超級唔好食！今次咁斗膽買嚟試試，就係因為見佢新開都搞團購(其實未都未正式開)，擺到明就係要打響個朵、做好宣傳！
我深信唔會差得去邊既！無理由搞個團購一開波就搞衰自己個名卦！
其實去之前都冇乜特別期望，況且團購價$98你都唔會抱有萬二分既期望去食。
佢既前身2000円料理放題我又未去過，所以完全冇reference佢提供既食材會係咩水平。
我同男朋友比預約既時間早左好多到，見入面都幾full，但都即管問下可唔可以早D入。
門口接待嗰位鬈毛哥哥，禮貌同服務態度好不錯！等佢check清楚booking，好快就入得喇！
入座之前既好service為呢間野加唔少分！
入到去，略嫌抽風系統唔夠好，都見有D煙。去過韓國嗰D真係可以冇煙既呢！不過我好少去食鐵板燒，所以唔知香港嚟講佢算係比較好定差。
而座位方面略嫌同隔離有D近，但還可以接受。
其實佢都還算體貼的，佢D櫈其實係個箱，可以俾你放袋。
只不過袋不能太大，如果唔係就入唔到，就要好似我男朋友咁放大髀成晚囉！好慘呢！
而枱就比較細，大概只能夠放2碟。唯有食完先再拎，冇得眼闊肚窄囉～
食物方面，其實整體不錯的！比想像中好！但可能礙於雪櫃位置有限，所以食物都會分批拎出嚟！(註：食物是自己出去拎的！)
搞到我地一度以為冇乜野食！以為又係搵笨個案～ XD
後尾佢開始出其他款式既肉類就好D喇！同埋有海鮮、沙律的！
肉類豬牛雞就唔少得架喇！仲有包到好似羊架既疑似羊架、雞軟骨、雞腎，etc.
雞腎好爽口～ 正正！其他肉類都算好食！
海鮮有蝦、瀨尿蝦、青口 (出既次數似乎好少，搶到就搶啦~ XD)！仲有墨魚仔、魷魚鬚、蜆仔！我地淨係搶到蝦，但D蝦好難搣呀～ orz
蔬菜類就冇乜選擇，好似有脆肉瓜 (唔知有冇睇錯)！其他既仲有兜兜粟米粒、薯仔粒同金菇，可以成個兜兜直接放上去燒！
生果有菠蘿，燒同唔燒都超正！勁juicy！對於我呢D菠蘿精嚟講super good呀！哈！
整體嚟講，以咁既價錢......換到幾好既服務，不錯既食物質素... 係幾滿意的！
希望... 佢能夠keep到服務同食物質素啦！
唔好好似其他任食咁越做越差！
但海鮮真係要出多D呢～ 再唔係海鮮類每人派一set啦！搶唔到好慘呢～ (┬┬＿┬┬)
題外話/補充資料：
本身個團購唔包野飲品，可以加$15任飲！飲品種類都算幾多，汽水、媽媽奶、罐裝茶都有！所以都OK的！
散買要$8，飲佢2罐就賺返喇～ 我一野飲左3罐！哈！
(以上食評乃用戶個人意見 , 並不代表OpenRice之觀點。)
張貼
