娘娘喫茶 (已結業)

今日同仔仔行街拍拖仔， 仔仔話好想食飯糰，好啦食完仲未夠喉，難得來到北角咁遠，行下行下又比我地發現新店，咁我緊係唔會放過呢個機會，即上前睇餐牌。呢間新店個名好有趣叫 《娘娘喫茶》仔仔睇完餐牌後即話自己好想嘆一杯茶，咁靚女店員就問佢，小朋友你想飲咩茶，人細鬼大的仔仔話我想要櫻花烏龍茶加珍珠半甜 《$32+$4》，仔仔飲完大讚好味，下次要再來買喎!因為天氣太曬太熱我就選擇左熱情芒芒加珍珠小甜《$38+$4》，濃郁的厚芝士在面配上冰凍芒果沙冰，仲要一口吸落去時有珍珠咬下，好爽。我同仔仔幫老公選了oreo 芝士奶茶加珍珠 《$35+$4》， 當老公飲完話奶茶超滑口，配上oreo和芝士真係正到爆。睇來我好快又要特登去飲來飲了。